Albkos Safety – Produkte dhe shërbime profesionale për mbrojtje nga zjarri

Albkos Safety Sh.p.k. është themeluar në vitin 2009 në Prishtinë, me synimin për t’u bërë ofrues kryesor i produkteve dhe shërbimeve për mbrojtje nga zjarri dhe shpëtim në Republikën e Kosovës.

Duke njohur rëndësinë e qasjes së lehtë dhe efikase në shërbime të sigurisë, ne jemi specializuar në ofrimin e zgjidhjeve të plota, nën një çati, për një gamë të gjerë produktesh dhe shërbimesh cilësore në fushën e sigurisë dhe mbrojtjes nga zjarri.

Personeli

Në Albkos Safety Sh.p.k. kemi të angazhuar punonjës me përvojë të gjatë në projektim, furnizim me produkte dhe ofrim të shërbimeve në fushën e sigurisë dhe mbrojtjes nga zjarri.

Teknikët dhe specialistët e fushës ndjekin trajnime rigoroze në ambientet tona për të arritur standardet më të larta profesionale. Gjatë kësaj periudhe, ata punojnë nën mbikëqyrjen e drejtpërdrejtë të personelit të certifikuar dhe me përvojë.

Trajnimi shtesë sigurohet përmes seminareve dhe programeve të certifikimit të organizuara nga partnerët tanë dhe institucionet relevante.

Personeli i Albkos Safety është certifikuar për punë me pajisje për mbrojtje nga zjarri në përputhje me Ligjin Nr. 04/L-012 për Mbrojtje nga Zjarri .

Politika e cilësisë

Albkos Safety Sh.p.k. është e pajisur me certifikatën e Sistemit për Menaxhimin e Cilësisë ISO 9001 dhe certifikatë sipas Rregullores së Bashkimit Evropian (EC) No. 304/2008. Kompania është gjithashtu e autorizuar nga Agjencia për Menaxhimin e Emergjencave / Ministria e Punëve të Brendshme e Republikës së Kosovës për ushtrimin e veprimtarive të mëposhtme:

• Hartimin e projekteve dhe elaborateve të mbrojtjes nga zjarri
• Testimin e rezistencës së tokëzimit në instalimet rrufepritëse
• Kontrollimin dhe servisimin e pajisjeve – aparateve për shuarjen e zjarreve fillestare
• Projektimin e aparaturave dhe instalimeve për detektim, lajmërim dhe fikje të zjarrit
• Kontrollimin dhe matjen e shtypjes së ujit në rrjetin e hidrantëve

Misioni

Misioni i kompanisë është furnizimi i klientëve me produkte dhe shërbime që arrijnë dhe ruajnë standardet më të larta të cilësisë në fushën e mbrojtjes nga zjarri dhe sigurisë teknike.

Vizioni

Të dallohemi në atë që bëjmë dhe të kontribuojmë në krijimin e një ambienti më të sigurt për komunitetin dhe bizneset në Republikën e Kosovës.

Cilësitë tona dalluese

• Produkte cilësore me çmime të përballueshme
• Trajnim profesional për përdorimin e pajisjeve
• Menaxhim stoku dhe furnizim i shpejtë
• Shërbim teknik dhe mbështetje profesionale

Produktet

• Aparate për shuarjen e zjarrit të të gjitha llojeve dhe madhësive
• Sisteme automatike për shuarjen e zjarrit
• Sisteme për detektimin dhe lajmërimin e zjarrit
• Hidrantë dhe pajisje përcjellëse
• Tuba për hidrantë dhe tuba profesionalë për zjarrfikës
• Dyer rezistente ndaj zjarrit
• Pajisje profesionale për shërbimin e zjarrfikësve

Shërbimet

• Kontrollimi periodik dhe rimbushja e aparateve për shuarjen e zjarrit
• Trajnime teorike dhe praktike për përdorimin e pajisjeve zjarrfikëse
• Instalimi dhe mirëmbajtja e sistemeve hidrante
• Testimi i rezistencës së tokëzimit në instalimet rrufepritëse
• Projektimi dhe instalimi i sistemeve për detektim dhe alarm zjarri
• Projektimi dhe instalimi i sistemeve automatike për shuarjen e zjarrit
• Hartimi i planeve të reagimit emergjent dhe rregulloreve të sigurisë
• Hartimi i projekteve dhe elaborateve të mbrojtjes nga zjarri

Ekspertizë profesionale

Albkos Safety operon në përputhje me legjislacionin për mbrojtje nga zjarri në Republikën e Kosovës dhe standardet evropiane për pajisje dhe sisteme zjarrfikëse. Kompania ofron zgjidhje profesionale për instalimin, mirëmbajtjen dhe kontrollin e sistemeve të mbrojtjes nga zjarri për industri, institucione dhe objekte komerciale.

Për më shumë informacione mbi produktet dhe shërbimet tona për mbrojtje nga zjarri vizitoni: www.mbrojtjangazjarri.com